Gjatë vitit 2018, Instituti Demokraci për Zhvillim (D4D) ka organizuar punëtorinë me temë “Dialogu Social për Fuqizim” ku morën pjesë më shumë se 100 pjesëmarrës, të rinjë/reja, burra/gra, përfaqësues të rrjeteve të sindikatave, odave ekonomike, asociacioneve të bizneseve dhe organizatave të shoqërisë civile. Në këtë punëtori, në mënyrë të detajizuar u diskutuan për mënyrat e avokimit dhe rritjen e pjesëmarrjes së rinisë dhe grave në rrjetet sindikale dhe tregun e punës.
Si rrjedhojë e kësaj punëtorie është përpiluar një dokument, në formë manifesti për dialogun social, që përmban të gjitha rekomandimet e dala nga kjo punëtori, e me të cilin dokument, është avokuar tutje drejt akterëve relevant.
Në këtë drejtim, në mënyrë që të diskutohen çështjet e adresuara në Manifesto, Instituti D4D ka organizuar breakfast briefings në komunën e Prizrenit, si dhe Gjilanit më 20 dhe 22 Shkurt, 2019. Në këto takime, pjesëmarrës ishin përfaqësues të sindikatave, si dhe të rinjë dhe të reja, ku fokus kryesor ishte tema e përfaqësimit të duhur të nevojave dhe kërkesave të të rinjve dhe grave në punë, integrimi i tyre si fuqi punëtore, roli i sindikatave në këtë proces, si dhe janë adresuar më detajisht sfidat e implementimit të Agjendës për Punë të Dinjitetshme në Kosovë
Këto aktivitete u organizuan në kuadër të projektit “Dialogu social për fuqizim”, mbështetur nga EYE, projekt i Agjencisë Zvicerane për Zhvillim dhe Bashkëpunim (SDC) dhe implementohet nga konsorciumi HELVETAS Swiss Intercooperation dhe MDA.