Si në çdo palë zgjedhje edhe kësaj radhe Instituti D4D ka monitoruar debatet televizive të mbajtura para dhe gjatë fushatës zgjedhore, për zgjedhjet e parakohshme për Kuvend të Kosovës të cilat u mbajtën më 14 shkurt të këtij viti.
Në 10 ditët para fushatës zgjedhore janë mbajtur 61 emisione me prezencë të përfaqësuesve të subjekteve politike, ndërsa pjesa tjetër e emisioneve u mbajtën vetëm me analistë/e. Nga gashtë (6) listat garuese në debate kanë qenë pjesëmarrëse/e 89 burra dhe 45 gra. Partia Demokratike e Kosovës 25 burra dhe 8 gra, Lidhja Demokratike e Kosovës – Aleanca Kosova e Re 26 burra dhe 14 gra, Lëvizja Vetëvendosje – Lista Vjosa 3 burra dhe 10 gra, Aleanca për Ardhmërinë e Kosovës 17 burra dhe 5 gra, Nisma Socialdemokrate 11 burra dhe 2 gra. Ndërsa nga subjektet e tjera politike kanë qenë të përfshirë 7 burra dhe 6 gra.
Nga 61 emisione, 33 prej tyre u realizuan me prezencë vetëm të burrave, 6 me prezencë vetëm të grave ndërsa 22 prej tyre me prezencë të të dy gjinive. Kjo tregon poashtu një mosbalancim gjinor të përfaqësimit nga ana e subjekteve politike në debate televizive.
Monitorimi i debateve 10 ditë para fushatës është bërë në Televizionet: RTK, KTV, TV21, Klan Kosova, Kanal 10, si dhe T7, në emisionet në vijim: “Desku”, “Express”, “Interaktiv”, “Rubikon”, “Info Magazine”, “Edicioni i analizës”, “Politiko”, “Prime time”, “Info 10”, “Pressing”, “Kosova voton”, “Kallxo përnime”, “Debat plus”, “Click”, “Intervistë”, “Studio e hapur”, “Analizë”, “Imazh” dhe “Debat”.
