
Të marten më 30 janar 2018, u mbajt salloni nëpër komuna në Mitrovicë me temën: “Dialog social: Koha për agjendën e punës së dinjitetshme”.
Hapja informuese dhe nxitëse u bë nga: Florentina Hajdari, Menaxhere e Programit, OJQ Mundësia dhe Bukurije Brezhnica, aktiviste e shoqërisë civile. Pjesëmarrësit dhe panelistet diskutuan për kushtet e punëtorve në sektorin privat dhe publik në Komunën e Mitrovicës, sfidat dhe brengat kryesore të punëtorëve në këtë komunë. Për më tepër, në këtë sallon u diskutua roli i sindikatave në përmirësim të kushteve të punës si dhe pozita e pafavorshme e grave në tregun e punës, dhe pasojat që mungesa e respektimit të agjendë për punë të dinjitetshme shkakton në dekurajimin e tyre për të kërkuar punë.
Ky sallon u moderua nga Valëza Zogjani, Instituti D4D, dhe editoriali u shkrua nga Bukurije Brezhnica.