Instituti Demokraci për Zhvillim (D4D) ka organizuar dy diskutime Agora gjatë muajit të kaluar në Suharekë dhe Prizren. Diskutimet ishin të fokusuar në qeverisjen e mirë në nivelin lokal dhe punën e qeverisjes lokale në përfshirjen e grupeve të marxhinalizuara në procesin e vendimmarrjes.

Diskutimet gjithashtu janë fokusuar edhe në mënyrat e përfshirjes dhe informimit të qytetarëve mbi punët e komunës, në veçanti të Asamblesë Komunale, por edhe përfshirjes së qytetarëve në dëgjime publike.

Ky aktivitet përkrahet nga programi i Fondacionit Kosovar për Shoqëri Civile KCSF ‘EJA Kosovë’, bashkëfinancuar nga Agjencia Zvicerane për Zhvillim dhe Bashkëpunim (SDC), Suedia dhe Qeveria e Dukatit të Madh të Luksemburgut.