D4D ka përvojë të dëshmuar në facilitimin e këtij procesi, me anë të të cilit kërkon që qeverisjen lokale dhe qendrore t’i bëjë më përgjegjëse ndaj nevojave dhe brengave të qytetarëve. Për më tepër, D4D punon në inkurajimin e institucioneve gjegjëse për përmirësimin e standardeve të tyre të qeverisjes, si dhe të krijojë hapësirë për diskutim publik dhe përfshirje të qytetarëve në mbajtjen e këtyre institucioneve llogaridhënëse. Në kuadër të sferës së interesit publik, D4D përpiqet ta rrisë vetëdijesimin lidhur me rëndësinë e publikut të gjerë sa i përket pjesëmarrjes në proceset vendim-marrëse, përmes avokimit dhe lobimit në ngritjen e zërit për kërkesat e grupeve të margjinalizuara.