Ky punim analizon trendet e çmimeve të dy produkteve kryesore për të cilët konsumatori komercial i vendit paguan më shumë në krahasim më të tjerët në rajon. Gjetjet tregojnë se ka prani të madhe të joefiçiencës së tregut dhe praktikave për fryrje të çmimeve.
Në rastin e arkave fiskale, një treg fillimisht i mbyllur lejoi që dy konkurruesit e parë të arrin ta dominojnë atë, duke krijuar monopole e pastaj duke i fryrë çmimet për konsumatorë. Në industrinë e çimentos, ndërhyrja e institucioneve për ta mbrojtur një prodhues vendor rezultoi në të njëjtin gjë: prodhuesi në fjalë filloi të dominoi tregun dhe ngriti çmimet pa e përmirësuar cilësinë.
Kosova nuk mund të prosperoj pa një ekonomi të rregullt tregu. Nga ana tjetër, ekonomia e tregut nuk mund të themelohet në mënyrë të mirëfilltë pa rregullimin e mjedisit ekonomik. Punimi rekomandon që tu jepet më shumë pushtet institucioneve që mbikëqyrin konkurrencën dhe që të ketë mekanizëm që bën kontrollimin e ndërhyrjeve në treg nga instituticionet qeverisëse.
